الدار هي الدار والشاهد الباب
في موقعه ثابت ولا احد يجره
مير الزمن غير معالمه وانصاب
بالحزن وايدينه لحقها مضرة
الناس قفت واشترت غيره ابواب
في موقع(ن) ثاني بعيد(ن) مقره
وانت شموخك حق يا زاكي الانساب
والبعد عن صلف الهبايب مسرة
اما توردها مواريد الاعجاب
والا توردها الصبر كل مرة
دنيا يهب ابها الوجع كل ما غاب
نور البخت من بيت كل(ن) يمره
من عقب ماهو كان مدهال الاجناب
والنار من جذع الحطب مستعره
اصبح فقيد الروح من فقد الاقراب
وبابه من اثار الرماد تشره
اما عن الاقراب واطباع الاقراب
مثلك ترا بروحي ندايب وجره
صبرت لكن ماذبحني ولا ناب
داويت نفسي من بلا كل حره
وشفني لبست الطوق من كثر الالقاب
بعقد(ن) مميزني على كل درة
Get Latset songs lyrcis Every Day!
- Get tips and tricks that you have never known before
- Be the first person to know new things in the world of music
- subscribe just put your email
0 Response to "كلمات شيلة الدار هي الدار نايف راضي"
Post a Comment
Terms of comment