اذكريني لا جدلتي لك جديلة
وافقديني لا سرا ليلك اغاني
واعذريني بالتناسي يا كحيلة
التناسي ذكريات بشكل ثاني
كل ذكرى جابتك ذكرى جميلة
لو سببها طاح من عيني زماني
للاسف بان ذكرياتك مو قليلة
ذكرياتك شعر واحساس واماني
منتي اول قلب غيرني رحيله
لكن اول قلب بعثر لي كياني
لو لمحتيني ليا طروك ليلة
تعرفين اني على قلبك مداني
من سنه واحلامي الحلوه قتيلة
والحنين اجتاح لي عوج المحاني
غربتي في غيبتك سكه طويلة
والاماكن كلها مثلي تعاني
والسعادة في غيابك مستحيلة
والدمع ماخذ حجر عيني مواني
والسهر اللي تحت عيني دليله
ما عطاك احساس بان العمر فاني
وقلبي اللي ما رضى غيرك خليله
لا طلبته يتركك هام وعصاني
من كثر ما يتبعك يا عزتي له
قال ظلك له تعال وخذ مكاني
في غيابك صارت ايامي ثقيلة
وان فقدتك التقي بك بالاغاني
لا تخليني حزين و دون حيلة
وانتي بيدك اصير انسان ثاني
Get Latset songs lyrcis Every Day!
- Get tips and tricks that you have never known before
- Be the first person to know new things in the world of music
- subscribe just put your email
0 Response to "كلمات شيلة اذكريني رامي المعبدي"
Post a Comment
Terms of comment